Дани

Дани улс нь ойролцоогоор 6 сая хүн амтай. Данийн нийгэм нь эрх тэгш байдал, итгэл үнэмшил, ажил амьдралын тэнцвэртэй байдалд тулгуурладаг. Гэр бүлийн амьдрал маш чухал байдаг нь тус улсын “hygge” соёлтой холбоотой. Даничууд ихэвчлэн гадуур цаг заваа зарцуулж, нийтийн үйл ажиллагаанд оролцохыг эрхэмлэдэг ард түмэн билээ.

Дани улсын хичээлийн жил нь 8 сард эхлэн 6 сард дуусна. Данийн ахлах сургууль нь ерөнхий, бизнесийн болон техникийн гэсэн 3 төрөлтэй байдаг ба бүхий л клуб, дугуйлангууд үнэ төлбөргүй байдгаараа онцлогтой. Мөн боловсролын систем багш сурагчид хоорондын харилцан яриа болон мэтгэлцээнд суурилдаг нь сурагчдад суралцахад тусалдаг байна.

Дани улсын үндэсний хэл нь Дани хэл. Дани хэл нь хойд Германы хэлнээс гаралтай бөгөөд Швед болон Норвеги хэлтэй ч нягт холбоотой юм. Энэ хэл нь өвөрмөц дуудлага болон Герман ба хуучин Норвеги хэлний холимог гэдгээрээ ч алдартай. Дани улсад англи хэлний мэдлэгийн түвшин өндөр ба маш олон Даничууд англиар чөлөөтэй ярьж чаддаг байна.

Данийн өсвөр насныхан гэртээ хичээлээ хийхгүй байх үедээ ихэнх цагаа сургууль дээрээ эсвэл хичээлээс гадуурх үйл ажиллагаанд оролцон өнгөрөөдөг. Харин амралтын өдрүүдэд дэлгүүр орох, кино үзэх, тоглоом тоглох, спортоор хичээллэх болон ном унших зэргээр чөлөөт цагаа өнгөрөөх хандлагатай байдаг.

Данийн хоол нь энгийн бөгөөд чанартай орц найрлагатай.  Дани улсад нарийн боов болон хөх тарианы талх алдартай ба Сморреброд гэж танигдсан сэндвич нь Данийн уламжлалт амттангуудын нэг юм. Данийн ‘hygge’ соёл нь хооллох соёлтой ч холбоотой ба хооллох үеийн тав тух, эв нэгдлийг онцолж өгдөг байна.

Монгол хүүхдүүд Дани улсад очсоноороо хамт олноо чухалчлан үздэг нийгмийн нэг хэсэг болдог. Тэд Данийн үзэл баримтлал болох ‘hygge’-ийг биеэрээ мэдэрдэг. Дани улсын боловсролын систем нь багаар ажиллах чадвар мөн бүтээлч сэтгэлгээнд тулгуурладаг нь Монгол хүүхдүүдийн чадварыг улам сайжруулдаг.