Япон улсын Засгийн газрын санаачилгатай
“Азийн Гүүр” хөтөлбөр нь Монбүшогийн (Боловсролын яамны)
100%-ийн тэтгэлэгтэй соёл солилцооны
хагас жилийн хөтөлбөр билээ.
2022 онд Монголоос 5 дахь жилдээ оролцох
9 манлайлагч сурагчийг сонгон шалгаруулаад
тус тэтгэлэгт хөтөлбөрийн төсөл нь
дуусгавар болох юм.
AFS Соёл Солилцооны Хөтөлбөр нь шударга, энх тайван ертөнцийг бий болгоход шаардлагатай мэдлэг, чадвартай иргэнийг хөгжүүлэхэд туслах зорилготой олон улсын сайн дурын, ашгийн бус ТББ юм.
Илүү их мэдээллийг энэ линкээр орж сонирхоорой!
2018-2022 оны 5 жилийн хугацаанд Азийн 20 гаруй улсаас нийт 1000 ахлах ангийн ШИЛДЭГ сурагчдыг 100% тэтгэлэгтэйгээр Японы ахлах сургуульд урьж суралцуулах бөгөөд төслийн сүүлийн жил болох 2022 онд Монголоос 5 дахь жилдээ 9 манлайлагч сурагчийг сонгон шалгаруулаад тус төсөл нь дуусгавар болох гэж байна.
Хөтөлбөрийн гол зорилго нь Ази тивийн хүүхэд залуучуудыг нэгтгэн ирээдүйд хамтын ажиллагааны гүүр босгоход оршино.
Какехаши гэдэг үг нь холбох гүүр гэсэн утгатай бөгөөд Азийн улс орнуудыг итгэлцлийн гүүрээр холбон нэгтгээд, япон орны соёлыг сурталчлахын сацуу эдгээр орнуудын хүүхэд залуучуудын ирээдүйн хамтын ажиллагааг батжуулах, цаашлаад дэлхийн энх тайвныг сахихад хувь нэмэр оруулах зорилготой хөтөлбөр юм.
2017 онд Японы Ерөнхий Сайд Шинзо Абэ-гийн санаачилгаар хэрэгжиж эхэлсэн бөгөөд энэхүү хөтөлбөрийг “AFS Сурагч Солилцооны Хөтөлбөр”-ийн Япон дахь салбар хариуцан ажиллаж байгаа юм.
“2018-2022 оны 5 жилийн хугацаанд Азийн 20 гаруй орноос ахлах ангийн 1000 ШИЛДЭГ сурагчдыг Япон улсад урьж суралцуулна.” гэсэн зорилготойгоор өдгөө хамгийн сүүлийн буюу 5 дахь жилдээ хэрэгжих гэж байна.
Монгол улсаас 2018 онд 4, 2019 онд 10, 2020 онд 9, 2021 онд 9 сурагчийг бид амжилттай илгээж сурагчид маань хөтөлбөртөө амжилттай оролцож байгаа болно. 5 дахь жилийн 2022 оны хөтөлбөрт нийт мөн 9 тооны сурагчдыг илгээх болсон тул бид өргөн хүрээнд сонгон шалгаруулалт явуулж байна.
Тус хөтөлбөрт Монгол улсаас гадна Хятад, Хонконг, Өмнөд Солонгос, Тайланд, Камбож, Лаос, Вьетнам, Мьянмар, Малайз, Сингапур, Бруней, Филиппин, Индонез, Шри Ланка, Энэтхэг, Непал, Пакистан, Бутан, Бангладеш, Мальдив, Турк зэрэг улс орны ШИЛДЭГ сурагчид оролцох юм.
Сурагч уг хөтөлбөрт оролцохын тулд гадаад оронд бие даан сурч амьдрах чадвартай, хөтөлбөр үргэлжлэх хугацаанд бүрэн оролцох боломжтой байхаас гадна дараах шаардлагуудыг зайлшгүй хангасан байх шаардлагатай.
15 нас хүрсэн, 18 нас хүрээгүй байх (2004 оны 4 сарын 2-с хойш, 2007 оны 4 сарын 1-с өмнө төрсөн байх), 9-12р ангийн буюу Ахлах ангийн сурагч байх
11.16 – 12.20 Онлайн Өргөдөл
01.08 – 01.09 Онлайн Шалгалт
01.15 – 01.16 Онлайн Воркшоп
01.22 – 01.23 Биечлэн Ярилцлага
Хөтөлбөр болон шалгаруулалттай холбоотой түгээмэл асуулт, хариулттай танилцана уу.
Нэмэлт асуулт байвал Фэйсбүүк хуудсанд чөлөөтэй мэссэж үлдээх боломжтой!
Бид тэнцсэн, тэнцээгүй бүх сурагчдад хариуг нь баталгаажуулсан мэйл илгээнэ.
