years-experience access-alumni-network airfare airport-pick-up assistance-with-application-process community-service-placement continuous-support cultural-trips domestic-transport emergency-support field-trips global-competence-certificate grade-transcripts host-family-placement housing individual-contact-person internship-placement language-instruction meals medical-insurance orientations-during-your-time-abroad other pre-departure-orientation product-materials re-entry-orientation school-dipolma school-materials school-placement school-transport school-uniform stipend teaching-materials vaccinations visa-and-passport-fees visa-application-assistance world-wide-presence

Японд Намрын 1 сарын Сурагч Солилцоо

Японы ахлах сургуульд суралцаж, хост айлд байрлан, тухайн улсын соёл, ёс заншлаас суралцана.

Энэхүү хөтөлбөр нь Монбүшогийн бүрэн бус тэтгэлэгт хөтөлбөр бөгөөд Япон хэл үзэж сонирхдог ахлах ангийн сурагчдад зориулсан 1 сарын сурагч солилцоо юм. 2023 онд Монголоос 3 сурагчийг сонгон шалгаруулж хамруулна. Монголоос гадна Аргентин, Бразил, Франц, Грек, Унгар, Латви, Малайз, Мексик, Шинэ Зеланд, Польш, Шри Ланка улсаас нийт 32 сурагч энэхүү хөтөлбөрт оролцоно.

ОУ-н онгоцны тийз болон хөтөлбөрийн зарим төлбөрийг Японы Засгийн Газар хариуцаж байгаа бөгөөд, бусад зардал болох $2200-г сурагч гаргана. Ярилцлагад тэнцсэн сурагчид төлбөрийн 25%-г шилжүүлснээр суудал баталгаажна.

Энэхүү AFS-ийн хөтөлбөр үргэлжлэх 1 сарын хугацаанд Японы ахлах сургуульд суралцаж, хост айлд байрлан, тухайн улсын соёл, ёс заншлаас суралцана.

Яаралтай бүртгэл: Энэхүү хөтөлбөрт яаралтай бүртгэж байна! 72559151 дугаарт сурагчийн эцэг/эх утасдаж бүртгүүлнэ үү. Төлбөрийн урьдчилгааг шилжүүлж, суудлаа баталгаажуулсан сурагчдыг хөтөлбөрт хамруулах болно.
Rolling-basis буюу түрүүлж бүртгүүлсэн сурагчдыг сонгож явуулах тул яарна уу.

 

Шаардлага

  • Япон хэлний ярианы чадвар шаардана
  • 2005 оны 4.2-с 2008 оны 4.1 хооронд төрсөн байх
  • 9-р ангиа дүүргэсэн байх (10-12р ангийн сурагч)
  • Япон хэл болон соёлд суралцах чин хүсэлтэй байх

Шаардлага

Нас, анги 15-18 настай (Хөтөлбөр эхлэхэд дор хаяж 9-р ангиа төгссөн байх, их сургуульд элсээгүй 12-р ангиа төгссөн сурагч болно)
Төрсөн огноо 2005.06.28 – 2008.06.28
Хэлний түвшин Япон хэлгүй бол англи хэлний анхан шатны түвшин
Сурлагын түвшин Хамааралгүй
Зан байдал, хандлага Япон хэл сурах чин хүсэл эрмэлзэлтэй байх
Зав бололцоо Хөтөлбөрийн хугацаандаа бүрэн оролцоод ирэх боломжтой байх

Хөтөлбөрийн хуваарь

  1. Бүртгүүлэхээсээ өмнө хөтөлбөрийн шаардлага, хуваарь, төлбөртэй танилцаж эцэг эхээсээ зөвшөөрөл авсан байх шаардлагатай.
  2. Бүртгэлийн формыг бөглөсний дараа мэйлээр “Эцэг эхийн зөвшөөрлийн хуудас” илгээх бөгөөд үүн дээр эцэг эхээрээ гарын үсэг зуруулан мэйл авснаас 24 цагийн дотор бидэнд илгээнэ.
  3. “Эцэг эхийн зөвшөөрлийн хуудас”-ыг хураалгасны дараа бид тантай холбогдож, ярилцлагын цаг товлох болно. Ярилцлагад эцэг эхтэйгээ хамтдаа оролцоно.
  4. Ярилцлагын дараа бид тун удалгүй хөтөлбөрт тэнцсэн эсэх хариуг танд хүргэж дараа, дараагийн материал бүрдүүлэх шат руу шилжинэ.

AFS Оролцогчдын аюулгүй байдал

Дэлхий даяарх AFS салбарууд маань хөтөлбөрт оролцогчдын аюулгүй байдлыг хамгаалах үүрэгтэй бөгөөд 24/7 холбогдох боломжтой туслах багш үргэлж бэлэн байдалд байдаг.

AFS нь ямагт сайн сайхан байдал, хөтөлбөрт хамрагдаж буй бүх хүмүүсийн аюулгүй байдлыг хангахын тулд бүхий л хүчин чармайлт гаргадаг тул эцэг эх нар санаа амар байх боломжтой.

Хөтөлбөрийн төлбөр

  • Байр 
  • Хоол
  • Сурагч бүрт оногдох туслах багш
  • Эрүүл мэндийн даатгал
  • Өдөр тутмын замын зардал
  • Сертификат
  • AFS-ийн сургалтын материал

Эцэг эх нарт зориулсан мэдээлэл

AFS бол дунд сургуулийн сурагчдад зориулсан гадаадад суралцдаг хөтөлбөр бөгөөд дэлхийд тэргүүлдэг соёл солилцооны байгууллага юм. 1947 оноос хойш AFS нь их дээд сургууль болон ажил олгогчдын үнэлдэг практик ур чадвар, мэдлэг олж авах боломжийг залуучуудад олгож, дэлхийн түвшинд өөрчлөлт гаргахад нь тусалж байна.

Яагаад AFS-ийг сонгох хэрэгтэй вэ?

Япон дахь амьдрал ямар байх вэ?

JPN59a-Be-A-Guest-Of-A-Japanese-Family

Япон хүмүүс, гэр бүл

Япон нь 125 сая гаруй хүн амтай, баруун хойд Номхон далайд орших зүүн Азийн орон юм. Японы уур амьсгал нь ихэвчлэн сэрүүн боловч хойд эсвэл өмнөд бүс нутагт байхаасаа хамаараад нэлээн ялгаатай байдаг.
Япон хүмүүс нь эелдэг, найрсаг, хариуцлагатай хүмүүс байдаг бөгөөд ,оройн хоолонд орох, машин унах, хүүхдээ харах, дэлгүүр орох зэрэг тайван амьдралын хэв маягийг эрхэмлэдэг.
Япон гэр бүл нь хүүхдийнхээ боловсрол, хүмүүжилд ихээхэн анхаарч зөв хүн болж төлөвшихөд нь тусалдаг. Гэр бүлтэйгээ халуун дотно уур амьсгал бүрдүүлж, хамт цагийг өнгөрөх нь япон айлын томоохон нэг соёл юм.

Direct-ALT

Япон сургууль

Японд бага болон дунд боловсрол эзэмших нь зайлшгүй ба цааш бүрэн дунд боловсрол эзэмшихийн тулд ахлах ангийн элсэлтийн шалгалт өгөх ёстой байдаг.
Японд сургууль 4-р сараас 3-р сар хүртэл (Даваагаас Баасан гарагт 8.30-15.30 цаг хүртэл) хичээллэдэг. Сурагчид дүрэмт хувцсаа өмсөж, дугуй, автобус эсвэл галт тэргээр хичээлдээ явах бөгөөд бүх сурагчид жил бүр зохион байгуулагддаг сургуулийн соёлын наадам, спортын наадамд оролцох ёстой байдаг.
Япон сургууль нь хичээлийн дараа 30 минут сургууль болон талбайг цэвэрлэх Сүжи хэмээх уламжлалтай. Сурагчид хүслээрээ бусад хичээлээс гадуурх дугуйлан, үйл ажиллагаанд нэгдэж болно.

COVD20183212

Япон хэл

Олон орны нэгэн адил Японд нэгээс олон хэлээр ярьдаг. Тус улсын нийт хүн амын 98 орчим хувь нь япон үндэстэн тул 121 сая гаруй хүн япон хэлээр ярьдаг. Цөөн тооны хүмүүс бусад хэлээр ярьдаг бөгөөд бүгд Япон болон Айну гэсэн хоёр үндсэн хэлний бүлэгт хуваагддаг. Эдгээр хоёр бүлэгт янз бүрийн хэл, аялга байх ба эдгээр нь Японы аль бүс нутагт байгаагаас хамаараад ялгаатай байдаг.

Screenshot 2022-11-25 031003

Өсвөр насныхан

Японы өсвөр насныхан гэртээ хичээлээ хийхгүй байх үедээ ихэнх цагаа сургууль дээрээ эсвэл хичээлээс гадуурх үйл ажиллагаанд оролцон өнгөрөөдөг. Харин амралтын өдрүүдэд дэлгүүр орох, анимэ үзэх, тоглоом тоглох, спортоор хичээллэх, ном унших зэргээр чөлөөт цагаа өнгөрөөх хандлагатай байдаг.

e6c4734b49fc1497e79e1939d29f2efc

Япон хоол

Япон нь бүс нутгийн болон улирлын чанартай хязгааргүй олон төрлийн баялаг хоолтой. Ихэнх Япон гэр бүлүүд ногоо жимс, далай бүтээгдэхүүн, гурил будаа хоолондоо түлхүү хэрэглэн, эрүүл хооллолтыг дэмждэг. Хүн болгоны сайн мэддэг Япон хоол гэвэл суши, темпура, удон, рамен, якитори зэргийг дурдаж болно.

Japan

Монгол хүүхдүүд Японд

Монгол хүүхдүүд хост гэр бүлтэйгээ халуун дотно харилцаа үүсгэж, япон хэлний чадвараа дээшлүүлж, олон төрлийн амтат хоолнуудыг зооглон, мартагдашгүй дурсамжууд бүтээж ирэхийн сацуу маш нээлттэй, өөртөө итгэлтэй, эерэг үзэл бодолтой болж, олон хувь хүний хөгжлийн чадваруудыг суулган ирдэг билээ.

Япон улсын тухай дэлгэрэнгүй

Хөтөлбөрт оролцсон сурагчийн аяллын тэмдэглэл

Японы намрын 1 сарын хөтөлбөрт 2019 онд оролцоод ирсэн оролцогч Б. Хүслэнгийн аяллын тэмдэглэлтэй танилцаж, японы хөтөлбөрийн үйл явц, бүтцийн тухай ерөнхий мэдээлэл аваад, мартагдашгүй дурсамжтай байсан хөтөлбөрийн туршлагатай нь танилцаарай!

Аяллын тэмдэглэлтэй танилцах

Оролцогчдын влог

Япон улс руу аялж байсан сурагчдын влог бичлэгүүдтэй танилцана уу!

Playlist дээрх бичлэгүүдийг үзэх

Подкаст анги тун удахгүй!

Японы хөтөлбөрт оролцсон сурагчдын сэтгэгдэл

View this post on Instagram

A post shared by 🌈 AFS Mongolia (@afs.mn)