Америк

АНУ-д суралцаж буй монгол хүүхдүүд олон улсын соёлуудтай танилцаж, нэг хэсэг нь болохын зэрэгцээ хост гэр бүлтэйгээ дотно болдог. Боловсролын системээрээ эрс ялгаатай ч гэсэн Америкийн системд монгол хүүхдүүд асуудалгүй дасан зохицох талтай байдаг. Түүнээс гадна олон өнцгөөс харж сурч, илүү нээлттэй сэтгэлгээтэй болж, аливааг харах хүрээгээ өргөжүүлээд ирдэг байна.

АНУ-д хичээлийн жил нь 9 сараас 6 сар хүртэл, өглөөний 8 цагаас 3 цаг хүртэл хичээллэх байдлаар явагддаг. Сурагчид тогтсон хөтөлбөрийн дагуу хичээллэж, хичээлийн дараа бусад хичээлээс гадуурх ажилд оролцох боломжтой байдаг. Жил бүр болдог бүжгийн тэмцээн, урлагийн үзлэг, спортын тэмцээн зэрэг нь сургуулийн эерэг орчинг бүрдүүлж байдаг байна.

Америк улсын гол зонхилох хэл бол Англи хэл юм. Англи хэлний уг үндэс нь Баруун Германаас гаралтай нь Америкийн бас нэг олон талын улс, үндэстнээс бүрдэж буй чанарыг харуулах билээ. Улсын иргэд голцуу англи хэлээр ярих тул сурагч солилцоогоор явж буй сурагчдад англи хэлээ сайжруулах тохиромжтой орчин бүрддэг.

Америкд өсвөр насныхан хичээлийн дараах чөлөөт цагаа ихэвчлэн хичээлээс гадуурх үйл ажиллагаанд оролцон өнгөрөөдөг. Харин амралтын өдрүүдэд дэлгүүр орох, кино үзэх, тоглоом тоглох, спортоор хичээллэх, ном унших, найзуудтайгаа гарах зэргээр чөлөөт цагаа өнгөрөөх хандлагатай байдаг.

Америк улсад улсынхаа амин сүнс болсон алдарт бургер, хот дог, алимны бялуунаас эхлээд паста, энчилада, сүши хүртэл бүхий л төрлийн хоол бий. Мексик, Итали, Хятад, Япон гэх мэт бүхий л үндэсний хоолнуудыг Америкийн хаанаас ч зооглох боломжтой. Ийнхүү төрөл бүрийн хоол зонхилдог нь улсынхаа олон соёл үндэстнээс үүссэн түүхээ тольдож өгч байдаг байна.

Монгол хүүхдүүд хост гэр бүлтэйгээ халуун дотно харилцаа үүсгэж, япон хэлний чадвараа дээшлүүлж, олон төрлийн амтат хоолнуудыг зооглон, мартагдашгүй дурсамжууд бүтээж ирэхийн сацуу маш нээлттэй, өөртөө итгэлтэй, эерэг үзэл бодолтой болж, олон хувь хүний хөгжлийн чадваруудыг суулган ирдэг билээ.