Ирланд

Хөтөлбөрүүд

Ирландын соёлтой танилц

Арлын дур булаам үзэсгэлэнт улс болох Ирланд нь ногоон байгаль, далайн эрэг, гүн гүнзгий Кельтийн өв уламжлалаараа алдартай. Тус улс нь Мохерийн хад, эртний цайз зэрэг сэтгэл татам газрууд, амьд пабны соёл, Ирландын уламжлалт хөгжимтэй. Ирландын ард иргэд нь аман зохиол, уламжлалын хамт зочдод өвөрмөц бөгөөд мартагдашгүй туршлагыг бий болгодог. Ирланд улсад Монгол хүүхдүүд эдгээр найрсаг хамт олон, хүрээллийн нэгэн хэсэг болж чаддаг. Тэд хост гэр бүлтэйгээ холбоо үүсгэж, Ирландын халуун дулаан зочломтгой байдлыг мэдэрдэг байна. Ирландын боловсролын систем нь бүтээлч байдал болон шүүмжлэлтэй сэтгэлгээний арга барилд тулгуурладаг нь Монгол хүүхдүүдэд өөрийнхөө сонирхлыг хөөх, нээн илрүүлэх боломжийг олгодог. Ирландын дуу хөгжим, ардын аман зохиол ба үзэсгэлэнтэй байгаль нь тэднийг уг соёлд дурлуулдаг билээ.

Гэр бүл & хамт олон

Ирланд улс нь ойролцоогоор 5 сая орчим хүн амтай. Ирланд хүмүүс нөхөрсөг зан чанар, түүх, нийгмийн хүрээллийн онцлогоороо алдартай байна. Гэр бүл болон хөршийн харилцаа нь уламжлалт дуу хөгжим, бүжиг, баяр наадамтай зэрэгцэн чухал үүрэг гүйцэтгэдэг Ирландын нийгмийн салшгүй нэгэн хэсэг билээ.

Сургууль

Ирланд улсад хичээлийн жил 9 сард эхлэн 6 сард дуусдаг ба сурагчид голдуу 9 цагаас 15 цаг хүртэл хичээллэдэг байна. Ирландын боловсролын систем нь олон талт арга барил, академик болон нийгмийн идэвх оролцоонд тулгуурладаг. Сурагчид драма, спортын тэмцээн, шинжлэх ухааны үзэсгэлэн зэрэг арга хэмжээнүүдэд оролцож өөрсдийгөө хөгжүүлдэг билээ.

Хэл

Ирланд улсад 2 албан ёсны хэл байх ба эдгээр нь Англи хэл болон Ирланд хэл юм. Ирланд хэл нь Кельт хэл бөгөөд Ирландын соёлын салшгүй нэгэн хэсэг билээ. Гэсэн хэдий ч Ирландад хамгийн өргөн ашиглагдаж буй хэл бол Англи хэл байдаг байна. Ирландын засгийн газар Ирланд хэлийн хэрэглээг нэмэгдүүлэхийн тулд боловсрол болон соёлын олон арга хэмжээнд тус хэлийг хэрэглэх талаар тусгаж өгчээ.

Хоол

Ирланд хоол нь эрүүл мэндэд тустай бөгөөд амттай байдаг. Ирландчуудын идэх дуртай сонгодог хоолнууд бол Ирланд шөл, содатай талх, далайн гаралтай хоол байдаг байна. Төмс нь хоолны үндсэн орц болдог ба Ирландад төмс орсон 2000 гаруй хоол байдаг байна. Сүүлийн үед Ирландад бусад орны хоолны соёлууд орж ирж байгаа ч давхар, уламжлалт хоол болон жоруудаа хадгалсаар байгаа билээ.

Ирланд-ийн AFS хөтөлбөрүүд