Шинэ Зеландын соёлтой танилц

Далайн эрэг, өндөр уулс, нүд алмайрам нуга хөндийнүүд болон өвөрмөц байгалийн тогтцоос бүрэлдэх Шинэ Зеланд улс нь гайхалтай сонголт байх болно! Дугуй унах, явган аялал, тийрэлтэт завь, өндрөөс үсрэлтийг туршиж үзээрэй. Мөн алдарт Хоббит болон Бөгжний эзэн киноны зураг авалт хийгдсэн газар очихоо бүү мартаарай! Шинэ Зеландын уугуул үндэстэн болох Маоричүүдийн соёлыг өөрийн биеэр мэдрээрэй. Гайхамшигт “Киви”-ний орон Шинэ Зеланд танийг хүлээж байна.

Гэр бүл & Хамт олон

Монгол хүүхдүүд Шинэ Зеландад гайхалтай байгаль, баялаг орчинд амьдрахаас гадна хост гэр бүлтэйгээ ойр дотно харилцаатай болж чаддаг. Хүүхдүүд Шинэ Зеландын өвөрмөц, сонирхолтой газруудаар аялах боломжтой бөгөөд эелдэг найрсаг хүмүүсийн хүрээлэлтэй болдог билээ. Шинэ Зеландын сургалтын системийн олон талт арга барил нь хүүхдүүдийн бүтээлч зан чанар хувь хүн талаас нь хөгжүүлдэг.

We played well today⚽️ #hawerahighschool #hawerahighschoolforthewin #hawerahighschoolgirlssoccerteam #missedsomepeople

A photo posted by Maria Daisy Joensen (@mariadaisyjoensen) on

Сургууль

Шинэ Зеландад хичээлийн жил нэгдүгээр сарын сүүлээр эсвэл хоёрдугаар сарын эхээр эхэлж, арван хоёрдугаар сард дуусдаг. Сургууль бүр ялгаатай ч хичээлийн цаг ихэвчлэн 9 цагаас 3 цагийн хооронд үргэлжилдэг. Шинэ Зеланд нь өндөр боловсрол, хичээл болон хичээлээс гадуурх үйл ажиллагааг бүтээлчээр хослуулсан байдгаараа алдартай. Сурагчид ихэнхдээ спорт, соёл урлаг болон байгаль орчны үйл ажиллагаанд оролцдог байна.

Хэл

Шинэ Зеландын албан ёсны хэл нь Англи, Маори болон тус улсын дохионы хэл билээ. Маори бол Шинэ Зеландын уугуул иргэдийн хэл ба 1987 онд албан ёсны хэл болгон зарлажээ. Харин дохионы хэл нь Шинэ Зеландын сонсголын бэрхшээлтэй иргэдийн ашигладаг үндсэн хэл юм. Нийт хүн амын 90-ээс дээш хувь нь Англиар ярьдаг байна.

#lemonmeringuepie #afsnz @afsnz @sezzie_eng #desserttime #midwinterchristmas

A photo posted by Chloe Kincaid (@chocoholicbake) on

Хоол

Шинэ Зеландын хоол хүнсэнд байгалийн баялаг чухал нөлөөтэй. Далайн гаралтай хоол, хурга, сүүн бүтээгдэхүүн элбэг бөгөөд киви жимс нь нутгийн орц найрлагатай, шинэхэн, мөн фермээс гарт гэсэн зарчимтай.Хоолны салбар нь Маори болон Номхон далайн арлуудын уламжлалт хоолны соёлыг шингээсэн байхын зэрэгцээ олон улсын хоолны амтыг шингээн хөгжсөөр иржээ.

Энхжин, 2 сарын хөтөлбөрийн оролцогч

“Далайн эрэгтэй ойрхон амьдардаг учир далайн давалгааны чимээ их гоё сонсогддог.”

Шинэ Зеланд-ийн AFS хөтөлбөрүүд